UEFA ŭzhadniŭ formu zbornaj Ukrainy na Jeŭra-2021 z vyjavaj Kryma
Sajuz jeŭrapiejskich futbolnych asacyjacyj (UEFA) uzhadniŭ formu zbornaj Ukrainy dla ŭdziełu ŭ čempijanacie Jeŭropy.
Fota z fejsbuka Andreja Paviełki
Na formie źmieščany kontur karty Ukrainy z Krymam. Pra heta paviedamlaje TASS sa spasyłkaj na pres-słužbu UEFA.
Akramia taho, na amunicyju naniesieny łozunh «Słava Ukrainie! Hierojam słava!». «Forma zbornaj Ukrainy (i ŭsich inšych kamand) na čempijanacie Jeŭropy ŭchvalena UEFA ŭ adpaviednaści z Praviłami ŭ dačynieńni da ekipiroŭki», — zajavili va UEFA.
Ab tym, što na formie zbornaj vykarystana vyjava paŭvostrava, stała viadoma 6 červienia. Formu pradstaviŭ kiraŭnik Ukrainskaj asacyjacyi futboła Andrej Paviełka.
«Hałoŭnym atrybutam formy stanie abiareh i simvał, darahi sercu kožnaha ŭkrainca. Heta samy kaštoŭnaje dla ŭsich nas abrys našaj krainy. Adzinaj i niepadzielnaj Radzimy z Krymam, Danieckam, Łuhanskam, Kijevam, Dniaprom, Lvovam, Adesaj i ŭsimi haradami i siołami, dzie hałoŭnaj miełodyjaj ź dziacinstva jość miełodyja nacyjanalnaha himna», — adznačyŭ Paviełka.
Fota z fejsbuka Andreja Paviełki
***
Čempijanat Jeŭropy pa futbole startuje ŭžo ŭ hetu piatnicu. Jon projdzie adrazu ŭ 10 krainach (11 haradoŭ). Ukraina zhulaje ŭ adnoj hrupie ź Niderłandami, Aŭstryjaj i Paŭnočnaj Makiedonijaj.