Krainy ES adkryjuć miežy dla vakcynavanych ad karanavirusa turystaŭ. Ale vakcyna pavinna być rekamiendavana EMA
Krainy Jeŭrapiejskaha Sajuza adkryjuć miežy dla turystaŭ, całkam vakcynavanych ad karanavirusa. Pra heta paviedamlaje AFP News Agency u svaim tvitary.
Wikimedia Commons
U sieradu, 19 maja było dasiahnutaje pahadnieńnie ab dazvole ŭjezdu na terytoryju krain — členaŭ Jeŭrasajuza dla turystaŭ, jakija vakcynavalisia ŭchvalenymi Jeŭrapiejskim ahienctvam lekavych srodkaŭ (JEMA) preparatami. Adznačajecca, što damoŭlenaść Jeŭrakamisii nosić rekamiendacyjny charaktar.
Pakul EMA rekamiendavała nastupnyja vakcyny ad: Pfizer/BioNTech, Johnson & Johnson, Moderna i dva varyjanty AstraZeneca. «Sputnik V» pakul na razhladzie.
25 maja projdzie ekstranny samit kiraŭnikoŭ dziaržaŭ i ŭradaŭ ES — čakajecca, što adnoj z hałoŭnych tem sustrečy stanie ŭzhadnieńnie praviłaŭ ŭjezdu zamiežnych hramadzian na terytoryju supolnaści. Taksama buduć abmiarkoŭvacca pytańni «ŭviadzieńnia zialonaha ličbavaha propuska» — siertyfikata ab vakcynacyi, pryznanaha va ŭsich 27 krainach sajuza.