Kitaj upieršyniu paśpiachova pasadziŭ kaśmičny aparat na Mars
Kitajski kaśmičny aparat «Ciańveń-1» sieŭ na pavierchniu Marsa, paviedamlaje Xinhua sa spasyłkaj na nacyjanalnaje kaśmičnaje ŭpraŭleńnie.
«Ciańveń-1» — heta arbitalny aparat, pasadačny modul i marsachod. Jon byŭ zapuščany z pravincyi Chajnań 23 lipienia 2020 hoda.
Kaśmičny aparat vyjšaŭ na arbitu Marsa ŭ lutym paśla amal siami miesiacaŭ padarožža ŭ kosmasie i pravioŭ bolš za dva miesiacy, daśledujučy patencyjnyja miescy pasadki, pieradaje ahienctva.
Aparat pačaŭ źnižacca ranicaj u subotu i kala 04:00 kapsuła, u jakuju ŭvachodziać pasadačny modul i marsachod, adździaliłasia ad aparata. Jana ŭvajšła ŭ atmaśfieru Marsa na vyšyni 125 km, pieradaje Xinhua.
Pasadka była nadzvyčaj składanaja z-za adsutnaści naziemnaha kantrolu, karabiel pravodziŭ jaje aŭtanomna, rastłumačyŭ supracoŭnik Centra vyvučeńnia Miesiaca i kaśmičnych prahram Nacyjanalnaha kaśmičnaha kiravańnia Heń Jan.