Studentam u Minsku lhoty na prajezd uvodzić nie źbirajucca
Pra heta siońnia skazaŭ staršynia Minharvykankama Uładzimir Kucharaŭ padčas sustrečy sa studentami BDEU
Fota Nadziei Bužan
«Bolšaść studentaŭ štodnia dabirajucca ŭ navučalnuju ŭstanovu na hramadskim transparcie, što davoli nakładna ŭ finansavym płanie, — skazała studentka 2-ha kursa Julija Pilar. — Hrošy iduć i na inšyja patreby, tamu chaciełasia b, kab studentam praduhledzieli kali nie biaspłatny prajezd, to choć by jakija-niebudź ilhoty», piša BiełTA.
Uładzimir Kucharaŭ adkazaŭ, što ŭ Minsku cana na bilet [75 kapiejek u naziemnym transparcie, 80 u mietro, 80 kapiejek u kiroŭcy] u hramadskim transparcie pa paraŭnańni ź inšymi stalicami nizkaja, bo praktyčna pałovu apłačvaje dziaržava.
«Štohod Minsk pieraličvaje kala 350 młn rubloŭ na patańnieńnie kvitkoŭ dla nasielnictva. Takim čynam, sabiekošt pajezdki pieravyšaje realnuju canu bileta. U peŭnym sensie jon taksama vychodzić nasielnictvu sa źnižkaj, tamu lhoty ŭvodzić nie płanujem», — skazaŭ kiraŭnik horada.