Stadler moža pačać zborku svaich ciahnikoŭ va Ukrainie
Ukrainskaja čyhunka (UZ) i Stadler CIS AG płanujuć łakalizavać va Ukrainie vytvorčaść pasažyrskaha ruchomaha składu šviejcarskaj kampanii. Pra heta havorycca ŭ miemarandumie, jaki padpisali ŭkrainski bok i kiraŭnictva Stadler.
Kali Stadler CIS AG pieramoža ŭ adnym z tendaraŭ i atrymaje zakaz na pastaŭku ruchomaha sastavu dla UZ, kampanija płanuje razhledzieć mahčymaść łakalizacyi vytvorčaści va Ukrainie.
Ciahniki vytvorčaści Stadler mohuć być zadziejničany ŭ pryharadnych i rehijanalnych pasažyrskich pieravozkach, a taksama ŭ prajekcie City Express.
Dla raźmiaščeńnia vytvorčaści šviejcarcam prapanavali razhledzieć Kijeŭski elektravahonaramontny zavod. Techničnyja śpiecyjalisty Stadler naviedali jaho i šerah inšych łakacyj u lutym hetaha hoda.