KDB adklikała pazoŭ ab ekstremiźmie «ARCHE»
Pra heta NN paviedamiŭ advakat vydańnia Pavał Sapiełka, jakomu patelefanavała sudździa Taciana Miraniuk.
Pra heta NN paviedamiŭ advakat vydańnia Pavał Sapiełka, jakomu patelefanavała sudździa Taciana Miraniuk.
Upraŭleńnie Kamiteta dziaržaŭnaj biaśpieki pa Bresckaj vobłaści adpraviła admovu ad raniej padadzienaj zajavy ab ekstremisckich materyjałach «ARCHE». Pra heta «NN» paviedamiŭ advakat vydańnia Pavał Sapiełka, jakomu patelefanavała sudździa Taciana Łaskovič. Jana paviedamiła, što KDB admaŭlajecca ad svajoj zajavy i 25 červienia ŭ 14.00 u sudzie Maskoŭskaha rajona Bresta adbudziecca techničny sud, na jakim «navat nie abaviazkova prysutničać».
Padčas sudu vyrašycca pytańnie, prymać ci nie prymać da razhladu admovu ad zajavy KDB pa Bresckaj vobłaści.
«Šmat što pakul niezrazumieła, — kaža redaktar «ARCHE» Valer Bułhakaŭ. — Ci značyć adklikańnie zajavy našu kančatkovuju pieramohu? I ci nie sproba heta pryspać našu pilnaść?
Cana pytańnia nie adzin miljon biełaruskich rubloŭ, bo sudovaja sprava ciahniecca ŭžo bolš za paŭhodu. Dla nas važna, jaki bok budzie płacić sudovyja vydatki».
***
Nahadajem, što ŭ kastryčniku minułaha hodu na biełaruska‑polskaj miažy biełaruskimi mytnikami było skanfiskavana 10 asobnikaŭ №7-8'2008.
25 lutaha sudździa Maskoŭskaha rajona Bresta Taćciana Miraniuk zadavoliła zajavu upraŭleńnia KDB pa Bresckaj vobłaści ad 30 śniežnia 2008 h. ab pryznańni vydańnia ekstremisckim.
«…Praviedzienym analizam ustanoŭlena, što ŭ časopisach utrymlivajucca źviestki, jakija dyskredytujuć dziejnaść orhanaŭ ułady i kiravańnia Respubliki Biełaruś, uzmacniajuć sacyjalna-palityčnuju napružanaść i supraćstajańnie ŭ hramadstvie, stymulujuć ździajśnieńnie dziejańniaŭ, nakiravanych na arhanizacyju i ažyćciaŭleńnie masavych biesparadkaŭ, i tym samym stvarajuć pahrozu biaśpiecy Respubliki Biełaruś», — śćviardžałasia ŭ zajavie za podpisam načalnika UKDB, pałkoŭnika Leanida Dziadkova. Mielisia na ŭvazie artykuły palitołahaŭ, pryśviečanyja palityčnaj situacyi ŭ Biełarusi i vybaram 2008 hodu.
7 maja ŭ abłasnym sudzie Bresta adbyŭsia razhlad kasacyjnaj skarhi na rašeńnie suda Maskoŭskaha rajona Bresta ab pryznańni šerahu publikacyj u № 7—8 niedziaržaŭnaha intelektualnaha časopisa «Arche» «ekstremisckimi materyjałami, jakija padlahajuć źniščeńniu». Sprava tady była viernuta na paŭtorny razhlad u sud Maskoŭskaha rajona Bresta.
28 maja na prośbu pazoŭnika - upraŭleńnia KDB pa Brecskaj vobłaści - sud byŭ pieraniesieny na 25 červienia. Pazoŭnik paprasiŭ pravieści ekśpiertyzu artykułaŭ na pradmiet utrymańnia ŭ im materyjałaŭ ekstremicskaha źmiestu Instytutam nacyjanalnaj biaśpieki i Infarmacyjna-analityčnym centram pry Administracyi prezidenta.