«Napisaŭ zajavu ab biaśpiečnym utrymańni». Mikałaj Statkievič amal uvieś čas siadzić u kamiery adzin
Palityk Mikałaj Statkievič znachodzicca za kratami ŭžo 11 miesiacaŭ. Amal uvieś hety čas jon siadzić u kamiery adzin. Pra heta ŭ intervju «Našaj Nivie» raspaviała jaho žonka Maryna Adamovič.
Fota Nadziei Bužan
«Kali jaho pieraviali ŭ Žodzina, jon napisaŭ zajavu ab biaśpiečnym utrymańni ŭ suviazi z pahrozaj, jakaja moža sychodzić ad administracyi. Bo nie sakret, što sproby cisnuć na palityčnych viaźniaŭ praź ich sukamiernikaŭ pradprymalisia i pradprymajucca. I kali niešta zdarajecca, heta zvyčajna śpisvajuć na pobytavyja kanflikty ŭ kamierach. Kali sukamiernikaŭ niama, to śpisvać niama na kaho».