Ukrainskija pamiežniki na miažy ź Biełaruśsiu pieraviedzieny na ŭzmocnieny režym niasieńnia słužby
Pry hetym kancentracyi vojskaŭ na hetym učastku ŭkrainskaj miažy nie fiksujecca, paviedamlaje RBK-Ukraina
facebook.com/DPSUkraine
Jak rastłumačyli ŭ Dziaržaŭnaj pamiežnaj słužbie Ukrainy, uzmocnieny režym niasieńnia słužby praduhledžvaje pavieličeńnie kolkaści naradaŭ. Taksama maksimalna aktyvizavali padraździaleńni dla adsočvańnia situacyi ŭ pryhraničnych rajonach.
«Naohuł hetamu napramku nadajecca istotnaja ŭvaha. Uličvajučy ciesnaje supracoŭnictva Biełarusi z Rasijaj, asabliva ŭ kantekście zhadki źniešniaj miažy Sajuznaj dziaržavy Biełarusi i RF», - patłumačyŭ śpikier DPSU Andrej Dziemčanka.
Pa jaho słovach, situacyja na miažy ź Biełaruśsiu zastajecca spakojnaj.
«Na hety momant niepasredna na linii miažy abo pobač ź miažoj my nie fiksujem ruchu vajennaj techniki abo kancentracyi vajennych padraździaleńniaŭ. Niestandartnych situacyj pakul taksama nie fiksavałasia», — paviedamiŭ Dziemčanka.