Hałoŭny infiekcyjanist Minska: Nie treba bajacca pryščepak ad karanavirusa
Strachi pra addalenyja nastupstvy vakcynacyi ad kavidu nieabhruntavanyja. Takoje mierkavańnie Minsk-navinam vykazaŭ hałoŭny pazaštatny infiekcyjanist kamiteta pa achovie zdaroŭja Minharvykankama Śviatasłaŭ Vielhin.
BiełTA
«U suśvietnaj praktycy technałohii vytvorčaści vakcyn adpracavany na praciahu nie adnaho dziasiatka hadoŭ. Vakcyny ad kavidu rabili pa pravieranych technałohijach, hruba kažučy, na asnovu preparata «nasadžvali» inšy antyhien, dziejučy suprać karanavirusnaj infiekcyi. Tamu nie baču padstaŭ dla zaściaroh, u tym liku z nahody addalenych nastupstvaŭ vakcynacyi. Razam z tym efiekt ad masavaj pryščepačnaj kampanii adnaznačna budzie», — miarkuje śpiecyjalist.
Jon dadaŭ, što na dniach kantaktavaŭ z rasijskimi kalehami z Murmanskaha rehijonu, jany skazali, što z uviadzieńniem vakcynacyi ŭ ich uzrovień zachvorvańnia kavidam źniziŭsia ŭ try razy.
S. Vielhin skazaŭ, što jon i žonka (taksama doktar) pryščapilisia, a ŭčora jahonyja baćki zrabili pieršuju injekcyju «Sputnikam V».