Rachunki Śviatłany Cichanoŭskaj u Biełarusi zabłakavanyja. Na adnym ź ich była sacyjalnaja piensija dziciaci-invalidu
Śviatłana Cichanoŭskaja źviarnułasia ŭ Biełarusbank, kab daviedacca, pa jakoj pryčynie zabłakavany jaje rachunak. Supracoŭnica banka nazvała pryčynu: «U ramkach praviadzieńnia mierapryjemstvaŭ zamarožvańnia srodkaŭ fizičnych asob, uklučanych u pieralik datyčnych da terarystyčnych dziejańniaŭ».
Adzinym prybytkam, jaki prychodziŭ na hety rachunak apošni čas, była sacyjalnaja piensija dziciaci-invalidu da 18 hadoŭ — 223 rubli ŭ miesiac.
Nahadajem, biełaruskija banki ŭ paniadziełak masava zabłakavali rachunki svaich klijentaŭ, jakija raniej byli ŭniesienyja ŭ śpis «terarystaŭ».