AMAP nalacieŭ na provady advakataŭ, pazbaŭlenych licenzii. Dva dziasiatki zabrali ŭ RUUS i prymušali dychać u trubku
Zdareńnie adbyłosia 26 sakavika na vulicy Čyrvonaj u Minsku, dzie znachodziacca niekalki jurydyčnych kansultacyj. Udzielniki historyi admaŭlajucca kamientavać padziei viečara ad svajho imia, ale voś što viadoma ŭ ahulnych rysach: u jurydyčnaj kansultacyi sabralisia dva dziasiatki advakataŭ, kab raźvitacca z pazbaŭlenymi licenzii kalehami.
Litaralna praz paŭhadziny ad pačatku ŭ budynak pryjechaŭ AMAP i paprasiŭ usich na vychad. Advakataŭ pryvieźli ŭ RUUS, a paśla na vulicu Pieradavuju, dzie znachodzicca miedycynskaja ekśpiertyza haradskoha narkałahičnaha dyspansiera.
Paśla čaho na tych, chto byŭ vypiŭšy, skłali pratakoły pa artykule 19.3 KaAP (raśpićcio ałkaholnych napojaŭ na pracoŭnym miescy) i adpuścili. Tych, chto nie vypivaŭ, adpuścili biez pratakoła.
Sami advakaty ličać, što taki chutki pryjezd milicyi moža aznačać, što ofisy advakackich kansultacyj ciapier prasłuchoŭvajucca ŭ režymie realnaha času.