Recept na vychadnyja: šakaładny čyzkiejk
Šakaładny čyzkiejk — heta adzin z samych papularnych desiertaŭ u śviecie, jaki možna znajści ŭ kožnaj kaviarni. Adnak hety niezvyčajny tort adnosna lohka pryhatavać doma.
Fota Depositphotos.com
Vam spatrebicca:
Dla biskvitnaj asnovy:
150 h piasočnaha piečyva
1 stałovaja łyžka cukru
50 h rastoplenaha masła
Dla čyzkiejka:
150 h šakaładu
120 mł viarškoŭ
2 čajnyja łyžki kakava-parašku
200 h miakkaha syru
120 h cukru
- Dla biskvitnaj asnovy raściśnicie piečyva kačałkaj da krošak abo skarystajciesia błendaram. Pieramiašajcie piečyva z cukram i masłam u miscy.
- Vykładzicie sumieś na kruhłuju formu z borcikami. Pakińcie ŭ ladoŭni na 30 chvilin.
- Rastapicie šakaład i pakińcie astyvać.
- Uźbicie viarški ŭ vialikaj miscy da kansistencyi pieny. Dadajcie kakava-parašok i pieramiašajcie.
- Uźbicie miakki syr z cukram, zatym dadajcie sumieś ź viarškoŭ i rastopleny šakaład.
- Vykładzicie sumieś na biskvitnuju asnovu i pakładzicie čyzkiejk u marazilnuju kamieru na dźvie hadziny.
- Pierad padačaj čyzkiejk treba pakinuć raźmiakčacca na 20 chvilin pry pakajovaj tempieratury.
Smačna jeści!