Jak u Viazyncy sa śnieham sustrakali viasnu FOTA
Na radzimie Janki Kupały, u vioscy Viazynka, u niadzielu prajšło «Hukańnie viasny», piša «Novy Čas».
Śviata arhanizavali Studenckaje etnahrafičnaje tavarystva i Dziaržaŭny litaraturny muziej Janki Kupały.
Na im byli hulni dla moładzi i dziaciej, tradycyjnaja instrumientalnaja muzyka, viasiołyja tancy i kirmaš ramiostvaŭ. Usie ŭdzielniki razam vadzili karahody, bo, pavodle staražytnaj tradycyi, topčučy ziamlu, my jaje hrejem i abudžajem.
Sioleta na śviacie byli hurty «Horyń», «Huda», «Mierieža», «Dajnava», «Varhan», dziciačy kalektyŭ «Javar», etnahrafičny kłub «Koła», kalektyŭ tradycyjnaha tanca «Tabarak», kłub tradycyjnaha tanca «SITA» i samyja roznyja muzyki i tancory z usioj krainy, HA «Achova ptušak Baćkaŭščyny», a taksama čaraŭniki-ramieśniki.