Nieviadomyja źniavažyli kaścioł u Novałukomli abraźlivymi rośpisami
Nočču 18 sakavika byŭ ździejśnieny akt vandalizmu ŭ kaściole Śviatoj Maryi Mahdaleny ŭ Novałukomli, paviedamlaje catholicnews.by.
catholicnews.by
Nieviadomyja kala pieršaj hadziny nočy zabralisia ŭ kaścioł i napisali čornaj farbaj abraźlivyja słovy ŭ preźbiteryi kaścioła.
Šum u budynku pačuŭ probašč parafii ks. Mikałaj Lipski (kaścioł złučany ź plabanijaj). Jon pasprabavaŭ vyśvietlić, što adbyvajecca ŭ śviatyni. Vandały ŭciakli ź miesca złačynstva.
Ks. Mikałaj adrazu ž vyklikaŭ milicyju. Supracoŭniki śledčych orhanaŭ pracavali da samaj ranicy.