Pad Viciebskam rybak pravaliŭsia pad lod. Jaho tavaryš padtrymlivaŭ jaho razmovaj, kab toj nie zasnuŭ
Zdareńnie adbyłosia ranicaj u niadzielu na voziery Skrydleva.
112.by
Ratavalnikam pastupiŭ sihnał, što pad lod pravaliŭsia rybak, paviedamlaje 112.by
Pieršaj na miesca zdareńnia prybyła vadałazna-vyratavalnaja słužba atrada «Viciaź».
— Na bierazie vadajoma nas sustrakaŭ mužčyna, — raskazvaje vyratavalnik-vadałaz Mikałaj Bałyka. — Jon padtrymlivaŭ tavaryša razmovaj, kab toj nie zasnuŭ. Mužčyna trymaŭsia na pavierchni vady na adlehłaści kala 100 mietraŭ ad bieraha. Zamacavaŭšy viaroŭku, maje kalehi — vadałaz Mikałaj Tkačoŭ i kiroŭca-vadałaz Nazar Ciarenćjeŭ — na vyratavalnaj došcy pa lodzie pačali prabiracca da mužčyny, a ja zastaŭsia na bierazie, kab vyciahnuć paciarpiełaha na pavierchniu.
Ratavalniki vyciahnuli mužčynu z vady, pahruzili na vyratavalnuju došku i dastavili na bierah.
Tut užo prybyli miedyki. Mužčynu ŭ vyniku špitalizavali ŭ balnicu z dyjahnazam «pieraachaładžeńnie».