Łukašenka pra ceny na leki: Kali ŭ prytomnaść nie pryviadziom pryvatnikaŭ, tady buduć pracavać tolki dziaržaŭnyja apteki
Pra heta jon zajaviŭ siońnia, prymajučy z dakładam staršyniu KDK Vasila Hierasimava, piša BIEŁTA.
BiełTA
Łukašenka nahadaŭ, što było pryniata rašeńnie ŭrada pa spynieńni nieabhruntavanaha rostu cen. U pryvatnaści, u dačynieńni da lekaŭ paśla pavyšeńnia PDV da 10%, i pad heta apteki pačali padymać ceny.
«A niekatoryja i na 30% pavysili», — zaznačyŭ Vasil Hierasimaŭ.
«Tak. Značyć, samym žorstkim čynam treba spyniać ludziej, — padkreśliŭ Łukašenka. — My pavinny bačyć i aptavikoŭ, i roźnicu. Ale samaje hałoŭnaje — leki.
My nie pavinny dazvolić hetym roznaha rodu adurełym nažyvacca na biedach ludziej. Nichto nie pryjšoŭ i nie prynios kapiejku ź ich dla taho, kab padtrymać lačeńnie ad kavidu.
Nichto, tolki dziaržava. Užo miljard dalaraŭ na heta z usich krynic kraina vydatkavała. Što, chtości pryjšoŭ z ułaśnikaŭ aptek i inšych, niejkija hrošy daŭ? Nichto nie daŭ».
«Nu, u nas 50% dziaržaŭnych aptek, 50% prykładna pryvatnych. Kali ŭ pačućci nie pryviadziom pryvatnikaŭ, nu što ž, tady buduć pracavać dziaržaŭnyja apteki. Ale my nie možam dazvolić nažyvacca na zdaroŭi ludziej. Tamu leki — na asablivy kantrol», — zajaviŭ Łukašenka