Rasijskija navukoŭcy kažuć, što vakcyny «Spadarožnik V» i «Epivakkarona» ŭstojlivyja da brytanskaha štamu
Śpiecyjalisty rasijskaha navukovaha centra virusałohii i bijatechnałohii «Viektar» paćvierdzili efiektyŭnaść rasijskich vakcyn «Spadarožnik V» i «Epivakkarona» ŭ dačynieńni da brytanskaj mutacyi karanavirusa.
Ab hetym žurnalistam u aŭtorak paviedamili ŭ pres-słužbie Rasspažyŭnahladu, piša TASS.
«U ramkach śpiecyjalna praviedzienaha paraŭnalnaha daśledavańnia śpiecyjalisty «Viektara» pakazali efiektyŭnaść vakcyn «Spadarožnik V» i «Epivakkarona» ŭ dačynieńni da brytanskaha varyjantu karanavirusa.
Abarončy efiekt byŭ prademanstravany ŭ reakcyjach niejtralizacyi z vykarystańniem syrovatak, atrymanych ad ludziej, pryščeplenych vakcynami», i jakija źmiaščajuć antycieły da virusa SARS-CoV-2», — havorycca ŭ paviedamleńni.
Adznačajecca, što syrovatki pryščeplenych hramadzian efiektyŭna niejtralizavali jak brytanski varyjant karanavirusa, tak i zvyčajny.
Cikava, što «Viektar» i raspracavaŭ «Epivakkaronu».