«Paśpieje spynicca ci nie?» Za Homielem ciahnik udaryŭ furu i pajechaŭ dalej VIDEA
Siońnia ŭ Dobrušskim rajonie kala vioski Łaryščava adbyłasia avaryja. Hruzavy ciahnik sutyknuŭsia z furaj, paśla čaho praciahnuŭ ruch. Momant avaryi trapiŭ na videa, paviedamlajuć «Mocnyja naviny».
Videa apublikavaŭ telehram-kanał «Aŭto Homiel». Fura spyniłasia na pierajeździe, a ŭ hety čas išoŭ hruzavy ciahnik. Za kadram čuvać: «Ciahnik paśpieje spynicca ci nie?» Chutka staŭ viadomy adkaz — nie. Furu raźviarnuła ŭpopierak.
Achviar niama, dapamoha miedykaŭ nie spatrebiłasia. Na miesca prybyli ratavalniki, jakija dapamahli adciahnuć furu z prajeznaj častki. Taksama ŭ momant DTZ zakranuli aporu ŁEP, jana złamanaja napałovu.