U Novaj Baravoj zatrymali pazaštatnicu Tut.by. Jaje nazyvajuć administrataram telehram-kanała
Učora viečaram 11 lutaha ŭ Novaj Baravoj była zatrymanaja pazaštatnaja aŭtarka Taćciana Skapcova-Piatroŭskaja. Videa, źniataje paśla jaje zatrymańnia, źjaviłasia ŭ telehram-kanale ATN_News, paviedamlaje Tut.by.
Fota z asabistaha archivu Taćciany Skapcovaj-Piatroŭskaj
U telehram-kanale śćviardžajecca, što Taćciana źjaŭlajecca administrataram šerahu «destruktyŭnych» kanałaŭ, u tym liku «Novaja Baravaja 98%» i čata «Novaja Baravaja 98%», a taksama ŭdzielničała razam sa svaim mužam u «pratesnych akcyjach».
Adnak na videa, prymacavanym da dopisu, sama Taćciana kaža, što nie źjaŭlajecca administrataram nivodnaha Telegram-kanała, ni da čoha nie zaklikała, «vychodziła paru razoŭ u žniŭni», ale nikoli nie supraćstajała supracoŭnikam milicyi.