Lidara apazicyjnaj partyi zaprasili na «Usiebiełaruski schod» — ale biez prava hołasa
Kiraŭnika Biełaruskaj sacyjał-demakratyčnaj partyi «Hramada» Ihara Barysava pa telefonie zaprasili pryniać udzieł u pracy «Usiebiełaruskaha narodnaha schodu». Praŭda, nie ŭ jakaści delehata, a hościa.
Ihar Barysaŭ (u centry). Juryj Hubarevič (źleva) i Ryhor Kastusioŭ (sprava) zaprašeńniaŭ pakul nie atrymali
Zvaniŭ Barysavu kiraŭnik Aparata savieta ministraŭ Kanstancin Burak. Status hościa abaznačaje, što vystupić Barysaŭ tearetyčna zmoža, a voś hałasavać — nie. Ci budzie ŭdzielničać sacyjał-demakrat u hetaj schodcy? «Treba jašče paraicca z adnapartyjcami», — kaža Barysaŭ.
Takoje samaje zaprašeńnie nakiravali kiraŭniku partyi «Hramada», eks-kandydatu ŭ prezidenty Siarhieju Čeračniu.
Ryhoru Kastusiovu z BNF, Andreju Dźmitryjevu z «Havary praŭdu» i Mikałaju Kazłovu z AHP pakul nichto nie telefanavaŭ.