Žurnalistaŭ «Biełsata» vyklikajuć u sud pa administracyjnych spravach
U sud vyklikajuć žurnalistaŭ Kaciarynu Tkačenku, Ivana Kurakieviča, Alenu Ščarbinskuju, Alesia Siliča.
Havorka idzie ab pracy na telekanale biez akredytacyi.
BAŽ adznačaje, što Aleś Silič navat nie rychtavaŭ materyjał, a 10 i 24 studzienia dałučaŭsia da efiru «Biełsata» praz Skype ź Minska i raspaviadaŭ pra padziei ŭ stalicy. Jaho vinavaciać pa hetych dvuch epizodach.
Pa artykule 22.9 KaAP žurnalistam nie pahražaje aryšt, a tolki vialiki hrašovy štraf (ad 20 da 50 bazavych vieličyniaŭ — 580-1450 rubloŭ).
BAŽ dadaje, što artykuł 22.9 KaAP aktyŭna prymianiajecca suprać hramadzianaŭ Biełarusi, jakija supracoŭničajuć z zamiežnymi miedyja. Byli vypadki, kali ludziej karali navat za tranślacyi ŭ sacyjalnych sietkach, što pryznavali pradukcyjaj ŚMI.