Aficyjny Minsk zaprošany na inaŭhuracyju Bajdena
Jaho na inaŭhuracyi 46-ha prezidenta ZŠA pradstavić časovy pavierany ŭ spravach Biełarusi Dźmitryj Basik.
Pra heta Tut.by paviedamili ŭ MZS Biełarusi.
U adpaviednaści z pryniataj u ZŠA pratakolnaj praktykaj delehacyi zamiežnych dziaržaŭ zaprašajucca na mierapryjemstva na ŭzroŭni kiraŭnikoŭ svaich dypłamatyčnych misij. Anałahičnaje zaprašeńnie pastupiła i ŭ adras biełaruskaha boku.
— My jaho, viadoma, pryniali. Płanujecca, što naša kraina budzie pradstaŭlenaja, adpaviedna, na ŭzroŭni kiraŭnika pasolstva ŭ Vašynhtonie. Ciapier heta časovy pavierany ŭ spravach — Dźmitryj Basik, — raspavioŭ pres-sakratar MZS Anatol Hłaz.
Nahadajem, inaŭhuracyja 46-ha prezidenta krainy Džo Bajdena projdzie apoŭdni pa miascovym časie (20:00 pa minskim).