U Breście mašyna źbiła 9-hadovaha chłopčyka
Vučań 3-ha kłasa pierajazdžaŭ prajeznuju častku pa-za piešachodnym pierachodam na rovary.
U Breście ŭ vyniku najezdu lehkavoha aŭtamabila traŭmavany dzieviacihadovy chłopčyk.
Avaryja adbyłasia na vulicy Hierojaŭ Abarony. 21-hadovy žychar Kamianca, kirujučy aŭtamabilem «Aŭdzi-80», učyniŭ najezd na vučnia 3-ha kłasa, jaki pierasiakaŭ prajeznuju častku pa-za piešachodnym pierachodam na viełasipiedzie.
Dzicia ź cialesnymi paškodžańniami dastaŭlena ŭ Bresckuju abłasnuju dziciačuju balnicu.
Z pačatku hoda ŭ Bresckaj vobłaści adbylisia 34 DTZ z udziełam dziaciej. Heta na siem bolš, čym za anałahičny pieryjad minułaha hoda. U takich darožna-transpartnych zdareńniach traŭmy atrymali 35 niepaŭnaletnich. Za anałahičny pieryjad 2008 hoda ŭ darožnych avaryjach adno dzicia zahinuła i 28 atrymali traŭmy roznaj stupieni ciažkaści.