U Rasii nazvali fejkam infarmacyju, što Vienhryja admoviłasia ad ich vakcyny
Infarmacyja pra toje, što Vienhryja vyrašyła nie zakazvać u Rasii vakcynu ad karanavirusa «Spadarožnik V» źjaŭlajecca «jašče adnym prykładam fake news u pavažanym ŚMI». Pra heta RBK zajavili ŭ Rasijskim fondzie pramych inviestycyj (RFPI).
U fondzie adznačyli, što 28 śniežnia ŭ Vienhryju pastupiła pieršaja partyja preparata, i rasijski bok hatovy pastavić joj usiu nieabchodnuju vakcynu ŭ studzieni — sakaviku 2021 hoda.
Raniej ahienctva Reuters sa spasyłkaj na kiraŭnika administracyi premjer-ministra Vienhryi Hierhieja Hulaša paviedamiła, što kraina nie budzie kuplać vakcynu ŭ Rasii, a nabudzie preparat albo praź miechanizm zakupak ES, albo naŭprost z Kitaja.