«Kommiersant'»: Siońniašnija pieramovy ŭ Minsku abiernucca abo siensacyjnymi damoŭlenaściami, abo hrandyjoznym skandałam
«Maskva choča abmianiać kredyty dla Minska na dostup da biełaruskaha PEK», — piša rasijskaje vydańnie «Kommiersant'».
Artykuł «Padkupalny ruch» apublikavany 28 maja, u dzień pasiadžeńnia Savieta ministraŭ Sajuznaj dziaržavy ŭ Minsku.
Pavodle źviestak «'»,
padčas pieramoŭ «Minsk pasprabuje ŭhavaryć Maskvu praciahnuć kredytavańnie biełaruskaj ekanomiki», u toj čas jak rasijski bok raźličvaje paŭdzielničać u pryvatyzacyi pradpryjemstvaŭ biełaruskaha PEK.
Aficyjny paradak dnia siońniašniaha pasiadžeńnia Saŭmina Sajuznaj dziaržavy «vyhladaje biaskryŭdna i navat rucinna», zaznačaje vydańnie. Adnak, «uličvajučy tyja vypady, jakija za apošni čas spadar Łukašenka zrabiŭ u adras spadara Pucina, siońniašnija pieramovy abiernucca abo siensacyjnymi damoŭlenaściami, abo hrandyjoznym skandałam».
Sa spasyłkaj na krynicu ŭ sakrataryjacie Sajuznaj dziaržavy «'» piša, što «biełaruski bok padrychtavaŭsia ŭ čarhovy raz uźniać pytańni kredytavańnia svajoj ekanomiki Rasijaj».
«Razmova idzie pra apošni 500‑miljonny tranš rasijskaha dołaravaha kredytu ŭ $2 młrd. ($1,5 młrd. ź ich užo atrymana Minskam.— «'»), a taksama pra dadatkovy kredyt u 100 młrd. rub., na vydzialeńni jakoha Łukašenka nastojvaje ź minułaha hoda», — zaznačaje rasijskaje vydańnie.
Paviedamlajecca taksama pra jašče adnu «kredytnuju prośbu Minska».
«Razmova idzie pra hihanckuju sumu ŭ $9 młrd., jakija Biełaruś chacieła b patracić na budaŭnictva AES, — piša «'».
— U Rasii nakont hetaha — sustrečnaja prapanova. Na hetym tydni kiraŭnik «Rasatama» Siarhiej Kiryjenka daŭ zrazumieć, što na Saŭminie ŭ Minsku moža być padpisana rasijska‑biełaruskaj mižuradavaje pahadnieńnie ab budaŭnictvie atamnaj stancyi. Zrešty, u MZS RF kažuć, što pytańnie ab AES jašče znachodzicca ŭ stadyi abmierkavańnia».
Pavodle infarmacyi vydańnia, Pucin maje namier nahadać biełaruskamu boku pra damoŭlenaści, dasiahnutyja prezidentami Łukašenkam i Miadźviedzievym 19 sakavika ŭ Zavidavie.
«Rasijski bok tady ŭźniaŭ pytańnie ab pryvatyzacyi rasijskim kapitałam małakapierapracoŭčych pradpryjemstvaŭ Biełarusi, a taksama realizacyi sumiesnych prajektaŭ u paliŭna‑enierhietyčnaj śfiery», — piša vydańnie.
Pavodle źviestak «'», šerah rasijskich kampanij «pryhladajucca da biełaruskich AAT «Naftan», «Homielski chimičny zavod», «Hrodna Azot», «Mahiloŭchimvałakno».
«Rasijskija dypłamaty čakajuć siońniašnich pieramoŭ z tryvohaj. Biełaruskaje kiraŭnictva ŭ asobie Alaksandra Łukašenki i Siarhieja Sidorskaha zrabiła ŭsio, kab Uładzimir Pucin i delehacyja rasijskich čynoŭnikaŭ, jakuju jon uznačalvaje, nie adčuvała siabie ŭ Minsku haspadarami stanovišča», — zaznačaje «'».