U Rasii ŭ śpis ŚMI — zamiežnych ahientaŭ upieršyniu ŭklučyli žurnalistaŭ, mastačku i pravaabaroncu
Ludmiła Savickaja, svoboda.org
Ministerstva justycyi Rasii ŭpieršyniu ŭniesła ŭ śpis zamiežnych ŚMI, jakija vykonvajuć funkcyi zamiežnaha ahienta, fizičnych asob. Źviestki apublikavanyja na sajcie viedamstva.
Tak, u śpis uklučyli žurnalistku Ludmiłu Savickuju z Pskova i hałoŭnaha redaktara «Pskoŭskaj hubierni» Dzianisa Kamalahina. Taksama zamiežnym ahientam pryznali pravaabaroncu Lva Panamarova, jaki ŭznačalvaje hramadskuju arhanizacyju «Za pravy čałavieka».
U rejestry zaraz ličacca mastačka-akcyjanistka Darja Apachončyč i palittechnołah Siarhiej Markiełaŭ. U vyniku ŭ rejestry źjaviłasia piać fizičnych asob. Da hetaha siarod «zamiežnych ahientaŭ «byli tolki arhanizacyi, u tym liku «Radyjo Svaboda», «Hołas Amieryki» i telekanał «Nastojaŝieje Vriemia».