U mietro raskazali, jak buduć pracavać usie try linii na Novy hod i pravasłaŭnyja Kalady
Fota Natalli Łubnieŭskaj
31 śniežnia 2020 hoda i 6 studzienia 2021 hoda padziemka budzie pracavać pa hrafiku piatnic, a 1, 2, 3, 7, 8, 9, 10 studzienia 2021 hoda — pa hrafiku niadzielnych dzion.
Na ŭsich troch linijach u navahodniuju noč stancyi buduć začynienyja na ŭvachod u 3:00. Stancyi mietro «Niamiha», «Kastryčnickaja» i «Kupałaŭskaja» (vychad da praśpiekta Niezaležnaści) začyniacca na ŭvachod u 3 hadziny 15 chvilin.
U noč z 31 śniežnia 2020 hoda na 1 studzienia 2021 hoda, z 00:00 da zakryćcia stancyj mietro na ŭvachod, intervał ruchu ciahnikoŭ składzie: na 1-j i 2-j linijach — 6 chvilin, na 3-j linii — 10 chvilin.
1 studzienia 2021 hoda mietrapaliten pačnie pracu, jak zvyčajna, u 5 hadzin 30 chvilin.
U minskim mietrapalitenie taksama nahadvajuć, što varta kuplać žetony i prajaznyja zahadzia, abo karystacca bankaŭskimi bieskantaktnymi kartkami, abo elektronnymi pryładami.