Zatrymanym pa spravie Pres-kłuba vystavili artykuły ab uchileńni ad vypłaty padatkaŭ i saŭdziele ŭ złačynstvie
Pres-kłub
Stvaralnica Pres-kłuba Julija Słuckaja znachodzicca ŭ statusie padazravanaj pa kryminalnaj spravie pa častcy 2 artykuła 243 KK (Uchileńnie ad vypłaty padatkaŭ u asabliva bujnym pamiery). Astatnija — padazravanyja pa č. 6 art. 16 (Saŭdzieł u złačynstvie) i č. 2 art. 243, piša Tut.by
Zaraz pad vartaj zastajucca stvaralnica pres-kłuba Julija Słuckaja, prahramny dyrektar Ała Šarko, finansavy dyrektar Siarhiej Alšeŭski, kiraŭnik Akademii Pres-kłuba Siarhiej Jakupaŭ, apieratar Piotr Słucki, siabra Kaardynacyjnaj rady Ksienija Łuckina.
Jak raniej paviedamlała pres-słužba Departamienta finansavych rasśledavańniaŭ Kamiteta dziaržkantrolu, u dačynieńni da słužbovych asob Pres-kłuba pravodzicca pravierka pa faktach parušeńniaŭ padatkovaha zakanadaŭstva.
22 śniežnia ŭ ofisie i doma ŭ supracoŭnikaŭ pres-kłuba i Ksienii Łuckinaj prajšli pieratrusy abo ahlady.