Makiej zajaviŭ, što Łukašenka pajšoŭ nasustrač Papie Rymskamu ŭ situacyi z Tadevušam Kandrusievičam
Fota Nadziei Bužan
Uładzimir Makiej prakamientavaŭ žurnalistam vyniki vizitu ŭ Biełaruś pasłanca Papy Rymskaha, apostalskaha nuncyja ŭ Vialikabrytanii Kłaŭdyjo Hudžeroci, paviedamlaje pres-słužba MZS.
Makiej raspavioŭ, što pasłańnik Papy pryvioz u Minsk list, adrasavany Alaksandru Łukašenku. U im vykładałasia prośba, źviazanaja z arcybiskupam Minska-Mahiloŭskim Tadevušam Kandrusievičam, jakoha 31 žniŭnia nie puścili ŭ Biełaruś pamiežniki, kali toj viartaŭsia z Polščy.
«Zychodziačy mienavita z pačućcia hłybokaj pavahi da Papy Rymskaha i asabistych dobrych adnosin, kiraŭnik biełaruskaj dziaržavy paličyŭ mahčymym pajści nasustrač prośbie Papy Rymskaha i dać adpaviednaje daručeńnie znajści rašeńnie z ulikam usich najaŭnych pravavych miechanizmaŭ. I heta z ulikam taho, viadoma ž, što nabližajecca dobraje dla ŭsich śviata Rastva i ŭračystyja padziei. Heta taksama było adpaviednym dadatkovym arhumientam na karyść pryniaćcia rašeńnia z hetaj nahody, źviazanaha z arcybiskupam Minska-Mahiloŭskim Tadevušam Kandrusievičam, niahledziačy na šerah niehatyŭnych momantaŭ, źviazanych z hetaj piersonaj», — skazaŭ Makiej.