Bałharyja znoŭ vysyłaje dypłamata rasijskaj ambasady praz špijanaž
Ministerstva zamiežnych spraŭ Bałharyi abviaściła piersonaj non-hrata dypłamata ambasady Rasii ŭ Safii i dało jamu 72 hadziny, kab pakinuć krainu praź dziejańni, niesumiaščalnyja z dypłamatyčnym statusam.
Zajava viedamstva źjaviłasia paśla taho, jak u čaćvier hałoŭny prakuror paviedamiŭ ministru ŭnutranych spraŭ ab sabranych dokazach pa spravie ab špijanažy ŭ dačynieńni da rasijskaha dypłamata. Pavodle rasijskich ŚMI heta vajskovy ataše raijskaj ambasady.
Pakolki padazravany karystaŭsia imunitetam zhodna ź Vienskaj kanviencyjaj ab dypłamatyčnych znosinach, dasudovuju vytvorčaść spynili.
Prakuratura ŭdakładniła, što hramadzianin Rasijskaj Fiederacyi ažyćciaŭlaŭ raźviedvalnuju dziejnaść, u ramkach jakoj źbiraŭ vajennuju infarmacyju, u tym liku ab kolkaści amierykanskich vajskoŭcaŭ, dysłakavanych na terytoryi Bałharyi padčas vučeńniaŭ.
Nahadajem, u vieraśni Bałharyja vysłała dvuch rasijskich dypłamataŭ pavodle abvinavačvańnia ŭ špijanažy.