Za studzień—krasavik abjom pramysłovaj vytvorčaści ŭ Biełarusi źniziŭsia na 3,6%
Za studzień—krasavik 2009 hoda abjom pramysłovaj vytvorčaści ŭ Biełarusi źniziŭsia na 3,6% u dačynieńni da anałahičnaha letašniaha pieryjadu,paviedamiŭ na pres‑kanfierencyi 12 traŭnianačalnik hałoŭnaha ŭpraŭleńnia pramysłovaści, transpartu i suviazi Ministerstva ekanomiki Uładzimir Dziernavy.
Razam z tym, na jaho dumku, namieciłasia tendencyja, jakaja abnadziejvaje: VUP za čatyry miesiacy «skłaŭsia prykładna na ŭzroŭni vynikaŭ pieršaha kvartała» i ŭzros prykładna na 1%. Pavialičvajucca tempy pramysłovaj vytvorčaści. Za pieršy kvartał jany skłali 95,5% da anałahičnaha letašniaha pieryjadu, za čatyry miesiacy — 96,4%. «Heta davoli dobry vynik na fonie spadu pramysłovaj vytvorčaści ŭ susiednich krainach», — ličyć U.Dziernavy.
Takija vyniki «dasiahnuty ŭ suviazi z tym, što ŭ krainie pačali pracavać antykryzisnyja miery, jakija byli pryniatyja ŭradam u kancy minułaha i pačatku hetaha hoda».
U.Dziernavy ličyć, što dla dalejšaj stabilizacyi i rostu vytvorčaści ŭ pramysłovaści nieabchodna raźvićcio małych i siarednich pradpryjemstvaŭ, pryciahnieńnie pramych zamiežnych inviestycyj i stvareńnie novych vytvorčaściaŭ, «razumnaje» impartazamiaščeńnie, pošuk novych rynkaŭ zbytu.