U Žłobinskim rajonie baćka z nažom nakinuŭsia na syna, toj pamior
27 kastryčnika ŭ ahraharadku Krasny Bierah baćki razam z 33-hadovym synam pili ałkahol. Zastolle pierarasło ŭ kanflikt, jaki zaviaršyŭsia zabojstvam, paviedamlaje Śledčy kamitet.
60-hadovy baćka schapiŭ kuchonny nož i ŭdaryŭ syna ŭ hrudzi. Mužčyna pamior na miescy zdareńnia.
U pačatku rasśledavańnia baćki abvinavačvali adno adnaho, tamu zatrymali abaich. Paźniej mužčyna pryznaŭsia ŭ zabojstvie.
Mužčynu ŭziali pad vartu. Zaviali kryminalnuju spravu pa artykule zabojstva.