Śviatłana Cichanoŭskaja parazmaŭlała praz telefon sa svaim mužam Siarhiejem. Upieršyniu za 134 dni
«Tolki što adbyłasia telefonnaja razmova Śviatłany i Siarhieja Cichanoŭskich», — paviedamlaje telehram-kanał Śviatłany.
Nahadajem, što Siarhiej Cichanoŭski znachodzicca ad 29 maja za kratami.
Jak raspavioŭ «Svabodzie» daradca Śviatłany Cichanoŭskaj u mižnarodnych spravach Franak Viačorka, Śviatłana i Siarhiej razmaŭlali 12,5 chvilinaŭ.
Pavodle Viačorki, Siarhiej Cichanoŭski skazaŭ Śviatłanie «być bolš žorstkimi», praciahvać sustrakacca z suśvietnymi lidarami i praciahvać zmahacca. U cełym mesydž byŭ taki, što «nielha zdavacca, treba iści na bolšaje». Jon skazaŭ Śviatłanie, što sočyć za ŭsimi navinami.
Taksama Cichanoŭskija razmaŭlali pra dziaciej, pra siamju, ci ŭsie ciapier u biaśpiecy. Siarhiej raspavioŭ pra ŭmovy ŭtrymańnia i skazaŭ, što jamu treba pieradać u turmu, skazaŭ, što troški papraviŭsia ŭ turmie.
Franak Viačorka raspavioŭ sa słoŭ Śviatłany Cichanoŭskaj, što da hetaj razmovy joj napisała siastra i skazała, što Siarhiej šukaŭ jaje numar, a potym nabraŭ jaje sam sa schavanaha numara.