Mierkiel prymie Cichanoŭskuju ŭ jakaści «klučavoj fihury biełaruskaj apazicyi»
Kancler Hiermanii Anhieła Mierkiel prymie zaŭtra, 6 kastryčnika, eks-kandydata ŭ prezidenty Biełarusi Śviatłanu Cichanoŭskuju ŭ jakaści «viadučaj i klučavoj fihury biełaruskaj apazicyi», paviedamiŭ aficyjny pradstaŭnik urada FRH Štefen Zajbiert, piša Interfaks.
«Kancler rada sustrečy sa spadaryniaj Cichanoŭskaj», — skazaŭ jon. Jon nie ŭdakładniŭ, ab čym mienavita na sustrečy ŭ Bierlinie pojdzie havorka.
«Ja nie mahu heta kamientavać zahadzia», — adznačyŭ Zajbiert.
Raniej sama Cichanoŭskaja skazała ŭ intervju Spiegel, što płanuje abmierkavać ź Mierkiel pierśpiektyvy ŭdziełu Bierlina jak pasiarednika ŭ vypadku pačatku pieramoŭ pamiž biełaruskimi ŭładami i apazicyjaj.
Sustreča Mierkiel i Cichanoŭskaj zapłanavanaja na aŭtorak, jana projdzie ŭ Berlinie. U svaju čarhu aficyjnaja pradstaŭnica MZS FRH skazała, što ŭ sieradu ranicaj Cichanoŭskaja sustreniecca ź ministram zamiežnych spraŭ Niamieččyny Chajka Maasam.