U Homieli niama vady
U letni pieryjad hamialčanie zmohuć palivać prysiadzibnyja ŭčastki tolki nočču.
U letni pieryjad u Homieli budzie ŭzmocnieny kantrol za vykarystańniem pitnoj vady, paviedamili BiełaPAN u haradskoj žyllova-kamunalnaj haspadarcy.
Zhodna z rasparadžeńniem harvykankama, z 15 maja pa 31 lipienia ŭvodzicca zabarona dla pradpryjemstvaŭ i arhanizacyj horada na vykarystańnie pitnoj vady dla palivu terytoryj i zialonych nasadžeńniaŭ. U hetych metach vykarystoŭvać možna budzie tolki techničnuju vadu.
Dla nasielnictva abłasnoha centra ŭstanoŭleny čas palivu prysiadzibnych učastkaŭ z 23.00 da 5.00. U vypadku parušeńnia buduć prymianiacca štrafnyja sankcyi.
U haradskoj ŽKH zaznačyli, što takija abmiežavańni na vykarystańnie pitnoj vady ŭ letni pieryjad ŭvodziacca ŭ Homieli štohod.