«Paličycie sumlenna i ŭsie skažuć ščyry dziakuj»: Maryja Kaleśnikava źviarnułasia da členaŭ učastkovych kamisij
Pradstaŭnik Abjadnanaha štaba Maryja Kaleśnikava apublikavała videazvarot da staršyniaŭ i členaŭ vybarčych kamisij.
Jana zaznačaje, što idzie čaćvierty dzień daterminovaha hałasavańnia i fiksujecca šmat hrubych niedapuščalnych parušeńniaŭ. Ličby nie sychodziacca, naziralnikaŭ nie puskajuć na ŭčastak, vyklikajuć milicyju, sprabujuć pazbavić akredytacyi.
«Ciapier jość dva šlachi: praciahnuć šlach surjoznych parušeńniaŭ abo źniać bolšaść pytańniaŭ pa hałasavańni ŭ asnoŭny dzień vybaraŭ. Paličycie sumlenna i ŭsie skažuć vam ščyry dziakuj!» — zaklikaje Kaleśnikava.