Na pikietach Cichanoŭskaj u Breście i Baranavičach zaśpiavaje opiernaja zorka Marharyta Laŭčuk
Pra heta Marharyta Laŭčuk paviedamiła ŭ svaim fejsbuku. Joj budzie akampanavać pijanist-virtuoz Kanstancin Haračy.
Marharyta Laŭčuk, fota z Fejsbuka
«Zaŭtra 2 žniŭnia ja razam z Konstantin Goryachy budu śpiavać na pikietach Śviatłany Cichanoŭskaj u maim rodnym Breście i Baranavičach.
Ja budu ščaślivaja bačyć tam usich dobrych biełarusaŭ, usich, chto lubić našu krainu, usich ludziej ź vialikaj litary.
Vielmi chočacca, kab vy, maje darahija, zmahli adčuć sapraŭdnuju luboŭ biełarusaŭ da biełarusaŭ, u akijanie jakoj ja sama vykupałasia na mitynhu Śviatłany ŭ Minsku», — napisała Marharyta Laŭčuk.
Sustreča z kandydatam u prezidenty Śviatłanaj Cichanoŭskaj u Baranavičach pačniecca a 10.00 u Park kultury i adpačynku imia 30-hodździa VŁKSM (Małady park) pa vuł. Kamsamolskaja. U Breście — park Voinaŭ-internacyjanalistaŭ na vulicy Maskoŭskaj a 14-j.