Pad Chojnikami zatrymali traktarysta, jaki rezka skazaŭ pra vybary na YouTube
U piatnicu 31 lipienia milicyja zatrymała traktarysta Jaŭhiena Vasilkova, aŭtara Youtube-kanała «Chojniki dla žyćcia». Jon viadomy svaim emacyjnym vykazvańniem pra vybary i ŭdzieł u ich nastaŭnikaŭ, videa sabrała bolš za 93 tysiačy prahladaŭ, piša «Radyjo Svaboda».
29 lipienia ŭ Chojnikach prachodziŭ pikiet u padtrymku Śviatłany Cichanoŭskaj. Na im prysutničali kala 300 čałaviek. Byŭ na pikiecie i Jaŭhien Vasilkoŭ.
«U piatnicu da jaho na rabotu — jon robić ciapier na fiermie —pryjechała milicyja. I jaho zatrymali, pakinuli da suda pad vartaj. Sud budzie ŭ paniadziełak. Pryčynu patłumačyli takuju, što nibyta nie padparadkavaŭsia milicyi. Jak takoje moža być? Napeŭna, heta była tolki nahoda, kab zatrymać jaho», — paviedamiła «Svabodzie» Taćciana, žonka Jaŭhiena Vasilkova.