U Baranavičach raptam stali raźbirać scenu, dzie budzie vystupać Cichanoŭskaja
Intex-press
Rabočyja pačali demantavać kanstrukcyju ŭ parku imia 30-hodździa VŁKSM u Baranavičach ranicaj 31 lipienia, paviedamlaje miascovaje vydańnie Intex-press.
Čamu prybirajuć scenu, jakaja prastajała tam šmat hadoŭ, nieviadoma. Pa słovach rabotnikaŭ «Baranavičyrambuda», jakija jaje demantujuć, «im pastupiŭ zahad kiraŭnictva». Ci vyviezuć jaje na niejki čas abo nazaŭsiody, jany nie viedajuć.
Intex-press
U adździele kultury Baranavickaha harvykankama pa hetym pytańni skazali źviartacca ŭ «Baranavičyrambud», bo «park adnosicca da jaho». Ale tam atrymać apieratyŭny kamientar Intex-press nie ŭdałosia.
Praŭda, abaznanyja ludzi kažuć, što kamanda Cichanoŭskaj scenu vozić z saboj.
Cichanoŭskaja źbirałasia pryjechać u Baranavičy 2 žniŭnia.