Taćcianu Sieviaryniec aštrafavali na 810 rubloŭ
Fota «Viciebskaj viasny»
Čarhovy sudovy praces nad aktyvistkaj BCHD Taćcianaj Sieviaryniec prajšoŭ 22 lipienia ŭ sudzie Čyhunačnaha rajona Viciebska. Sudździa Dzianis Alaksiejenka pryznaŭ Sieviaryniec vinavataj u parušeńni zakanadaŭstva ab masavych mierapryjemstvach (č. 3 art. 23.34 KaAP) i aštrafavaŭ na 30 bazavych vieličyniaŭ. Pra heta paviedamlaje «Viciebskaja viasna».
Jak zafiksavana ŭ dvuch administracyjnych pratakołach, składzienych na Taćcianu Sieviaryniec majoram milicyi Sklimiankom, žančyna ŭziała aktyŭny ŭdzieł u nie dazvolenych uładami masavych mierapryjemstvach kala HC «Marka-Sici» 31 traŭnia i 7 červienia. Na pikietach «publična vykazvała svaje asabistyja i hramadska-palityčnyja intaresy, skandavała łozunhi «Žyvie Biełaruś!» i «Stop tarakan!».