Navukoŭcy raskryli tajamnicu śmierci «mumii, jakaja kryčyć»
Jehipieckija navukoŭcy raskryli tajamnicu «mumii, jakaja kryčyć», z karaleŭskaj pachavalni ŭ Dejr-el-Bachary, piša ria.ru sa spasyłkaj na Ahram Online.
Pa słovach adnaho z aŭtaraŭ daśledavańnia, jehiptołaha Zachi Chavasa, vyniki kampjutarnaj tamahrafii pakazali, što žančyna pamierła ad sardečnaha prystupu, a da raptoŭnaj śmierci pryvioŭ ciažki ateraskleroz karanarnych arteryj. Na dumku daśledčykaŭ, u pracesie balzamavańnia było zachavana stanovišča cieła žančyny ŭ momant śmierci.
«Stanovišča cieła z sahnutymi i skryžavanymi nahami, z paviernutaj naprava hałavoj i advisłaj skivicaj. My miarkujem, što cieła mahło być vyjaŭlena nie raniej, čym praź niekalki hadzin paśla śmierci», — rastłumačyŭ Chavas.
«Mumija žančyny, jakaja kryčyć», była vyjaŭlenaja ŭ 1881 hodzie pablizu ad horada Łuksor u pachavalni siarod 40 mumij členaŭ carskaj dynastyi. Asoba žančyny ŭsio jašče vyklikaje sprečki siarod navukoŭcaŭ.