Na žychara Vilejki skłali pratakoł za toje, što pad hučnuju muzyku biŭ nieviadomym pradmietam pa kryšcy kastruli
Na aktyvista ź Vilejki Andreja Kudzika skłali pratakoł za toje, što jon «pad hučnuju muzyku hrukaŭ nieviadomym pradmietam pa kryšcy kastruli», paviedamlaje spring96.org.
Pratakoł pa č. 1 art 21.16 KaAP (Parušeńnie praviłaŭ karystańnia žyłym pamiaškańniem) byŭ składzieny na padstavie videa, jakoje Kudzik nibyta raźmiaściŭ u telehram-kanale «Vilejka dla žyćcia».
22 lipienia jaho znoŭ vyklikajuć u adździeł žyllova-kamunalnaj haspadarki Vilejskaha rajvykankama. Vierahodna, dla składańnia novaha pratakoła.