Viaskoviec začyniŭ 92-hadovuju žančynu ŭ chałodnym chlavie, kab zabrać vino. Jana pamierła ad razryvu serca
Narodnyja naviny Viciebska
Zdareńnie adbyłosia ŭ Miorskim rajonie ŭ vioscy Cimoškava. Kab zabrać z domu 92-hadovaj babulki niekalki butelek samarobnaha vina, 49-hadovy mužčyna zimoj zamknuŭ jaje ŭ chałodnym chlavie, dzie žančyna pamierła, paviedamlajuć Narodnyja naviny Viciebska.
Pryčym śledstva nie zmahło ŭstalavać dakładnuju datu ździajśnieńnia złačynstva. Viadoma tolki, što heta zdaryłasia pamiž 30 śniežnia 2019 hoda i 13 studzienia 2020 hoda.
Mužčyna zabraŭsia ŭ dom babulki i zabraŭ nie mienš za 5 butelek chatniaha samarobnaha vina i syšoŭ. Babulu jon kinuŭ zamknionaj na praciahły čas bieź ježy i pitva pry nizkaj tempieratury. Jak paźniej ustanoviać ekśpierty, paciarpiełaja pamierła ad zachvorvańnia sardečna-sasudzistaj sistemy.
Paźniej mužčyna viarnuŭsia i vyjaviŭ, što jaho achviara miortvaja. Jon znoŭ uvajšoŭ u dom, ahledzieŭ jaho i zabraŭ jašče 4 butelki vina i nie mienš za 600 rubloŭ žančyny
Mužčyna znachodzicca pad vartaj, sprava adpraŭlenaja ŭ sud.