Aleh Hajdukievič staŭ davieranaj asobaj Łukašenki
Fota Nadziei Bužan
Lidar Libieralna-demakratyčnaj partyi i deputat Aleh Hajdukievič staŭ davieranaj asobaj kandydata ŭ prezidenty Alaksandra Łukašenki, paviedamiŭ deputat Tut.by.
— Ja viartajusia na vybary! Dla mianie heta nie tolki davier, ale i dokaz taho, što prezident čuje roznyja punkty hledžańnia, roznyja pohlady. Jak partyja ŁDP maje svaju prahramu, ideałohiju, i my adstojvajem i i budziem zaŭsiody adstojvać svoj punkt hledžańnia, prapanoŭvajučy alternatyvu. Roznyja punkty hledžańnia i dyskusija — załoh paśpiachovaha raźvićcia krainy, — ličyć Hajdukievič.
Jak davieranaja asoba kandydata ŭ prezidenty deputat płanuje abjechać značnuju kolkaść haradoŭ i viosak, sustrecca z «vialikaj kolkaściu ludziej».
— Kožnaje vaša pytańnie, kožnaja biada i słova buduć pačutyja mnoj, a dziasiatki, sotni vašych pažadańniaŭ, nakazaŭ buduć asabista mnoj pieradadzienyja prezidentu krainy. I heta budzie nie prosta zbor pažadańniaŭ. Nam patrebna nacyjanalnaja dyskusija pra budučyniu krainy. Nie bojciesia havaryć. Chaj kažuć miedyki, nastaŭniki, rabočyja, pracaŭniki vioski, pradstaŭniki małoha i siaredniaha biznesu.
Chaj pramaŭlajuć chipstary, restaratary, ajcišniki — my pačujem ŭsich, — zajaviŭ deputat.
Hajdukievič taksama adznačyŭ, što nieabchodna zrabić usio, kab zachavać toje, «što kraina dasiahnuła za hetyja 26 hadoŭ».