U SAAZ dapuścili pieradaču karanavirusa pavietram
Suśvietnaja arhanizacyja achovy zdaroŭja pryznała, što źjavilisia novyja źviestki ab pieradačy karanavirusa pavietranym šlacham paśla taho, jak hrupa navukoŭcaŭ zajaviła, što virus moža daŭžej zavisać u pavietry, piša Reuters.
SAAZ raniej zajaŭlała, što karanavirus, jaki vyklikaje reśpiratornaje zachvorvańnie COVID-19, pieradajecca, hałoŭnym čynam, ad čałavieka da čałavieka praz drobnyja kropli, jakija vydzialajucca infikavanym z nosa abo rota pry kašlu, čchańni abo razmovie.
Akazałasia, što drobnyja čaścicy karanavirusa mohuć zatrymlivacca ŭ pavietry daŭžej, čym kropli, i zdolnyja pieraadolvać značna bolšyja adlehłaści, čym biaśpiečnyja 1,5 mietra.
Heta aznačaje, što ludzi ŭ pamiaškańniach z drennaj vientylacyjaj mohuć padviarhacca bolšaj ryzycy zaražeńnia, čym ličyłasia raniej.