Na poŭnačy Kitaja źjaviłasia bubonnaja čuma
Raznosiać chvarobu sysuny rodu surkoŭ.
Treci ŭzrovień epidemijałahičnaha papiaredžańnia abvieščany ŭ chašunie Urad-Čžunci ŭ aŭtanomnym rajonie Unutranaja Manholija na poŭnačy Kitaja z-za vyjaŭleńnia pacyjenta z padazreńniem na bubonnuju čumu, pišuć infarmahienctvy.
Paviedamlajecca, što ŭ subotu ŭ balnicu horada Bajan-Nur pastupiŭ pacyjent z padazreńniem na najaŭnaść bubonnaj čumy. U suviazi z hetym u niadzielu było vyrašana abviaścić treci ŭzrovień papiaredžańnia pa prafiłaktycy, jaki budzie dziejničać da kanca hoda.
«Ciapier isnuje pahroza pašyreńnia čumy, prosim nasielnictva stroha trymacca patrabavańniaŭ pa prafiłaktycy epidemii», — havorycca ŭ pastanovie, apublikavanym ahienctvam «Sińchua».
Ułady rekamiendavali nie palavać na dzikich žyvioł, pry vyjaŭleńni vypadkaŭ zachvorvańnia abo padazreńni na zachvorvańnie nieadkładna paviedamlać.
Raniej pisali, što čumu vyjavili na zachadzie Manholii ŭ rehijonie, jaki miažuje z rasijskaj Respublikaj Ałtaj. Zachvareli dva čałavieki. U pres-słužbie pasolstva RF va Ułan-Batary zajavili, što ŭłady Manholii adrazu pryniali nieabchodnyja miery, pryčyn dla turbot niama.
Chvaroba pašyrajecca sysunami rodu surkoŭ, jakich žychary Manholii, niahledziačy na zabarony, jaduć. Zarazicca možna taksama raźbirajučy tušu, adnak heta adzinkavyja vypadki.