Źjavilisia vyniki zamieraŭ pavietra ŭ kałodziežy, dzie zahinuli rabočyja
Śledčy kamitet pravodzić rasśledavańnie pryčyn hibieli rabočych u kabielnym kałodziežy, paviedamlaje Telegram-kanał «Minsk. Aficyjna».
Rabočyja budaŭničaj arhanizacyi pravodzili raboty pa prakładcy elektryčnaha kabielu cieraz prajeznuju častku praśpiekta Dziaržynskaha. Uviečary 26 červienia ich znajšli biez prytomnaści ŭ kabielnym kałodziežy.
Dvuch ź ich miedykam vyratavać nie ŭdałosia. Treciaha paciarpiełaha špitalizavali ŭ balnicu chutkaj miedycynskaj dapamohi sa strasieńniem mazhoŭ, zakrytaj čerapna-mazhavoj traŭmaj lohkaj stupieni, rankami hałavy i plača.
Supracoŭniki MNS praviali zamiery pavietra ŭ kałodziežy na najaŭnaść atrutnych rečyvaŭ z dapamohaj aŭtamabila chimičnaj i radyjacyjnaj abarony. Pieravyšeńniaŭ hranična dapuščalnych kancentracyj niebiaśpiečnych rečyvaŭ nie vyjaŭlena.
Raspačata śpiecyjalnaje rasśledavańnie.