Supraciŭleńnie AMAPu ŭ Maładziečnie: raspačata kryminalnaja sprava, dva padazravanyja
Supracoŭniki kryminalnaha vyšuku Maładziečanskaha RAUS vyśvietlili asoby dvuch miascovych žycharoŭ, jakija akazali supraciŭ bajcam AMAPa 19 červienia padčas «łancuha salidarnaści» ŭ Maładziečnie. Mužčyn pryznali padazravanymi pa kryminalnaj spravie, zaviedzienaj śledčymi pa fakcie supraciŭleńnia supracoŭnikam orhanaŭ unutranych spraŭ, źviazanaha z hvałtam, paviedamlaje MUS.
Adnamu z zatrymanych 24 hady. Druhomu niadaŭna spoŭniŭsia 31 hod.
«Ustanoŭlena, što ŭviečary 19 červienia padazravanyja napali na supracoŭnikaŭ AMAPa, kali tyja achoŭvali hramadski paradak u Maładziečnie i zatrymlivali 25-hadovaha žychara rajcentra za administracyjnyja pravaparušeńni (toj zładziŭ pravakacyju padčas niesankcyjanavanaha masavaha mierapryjemstva i nie padparadkavaŭsia zakonnamu patrabavańniu milicyjaniera spynić supraćpraŭnyja dziejańni). Maładyja ludzi schapili amapaŭcaŭ za šyju i pavalili na ziamlu. Pry hetym adzin ź ich pasprabavaŭ udaryć supracoŭnika nahoj», — paviedamlaje MUS.