Masavy mor ryby zdaryŭsia ŭ Niomanie
Haradzienskija rybaki 13 červienia paviedamili ab masavym mory ryby ŭ Niomanie. Jany nazyvajuć zdareńnie «ekałahičnaj katastrofaj» i pišuć pra mahčymaje papadańnie ŭ vadu atrutnych rečyvaŭ, piša Hrodna.life.
Miortvaja ryba stała źjaŭlacca viečaram 12 červienia, da ranicy nastupnaha dnia jaje stała bolš. Rybaki paviedamlajuć, što bačyli na Niomanie sinija plamy.
«Kožny hod u adzin i toj ža čas u nas na Niomanie mor ryby — usia na pavierchni, — raspaviadaje rybak Valeryj. — Z čym heta źviazana, nichto nie viedaje. Ale heta nie z-za śpiakoty, dakładna. Vada ŭ Niomanie ŭvieś čas prachałodnaja, rybam chapaje kisłarodu. Mnie zdajecca, chtości chimikaty źlivaje ŭ Nioman, i z-za hetaha masava hinuć ryby i raki».
Miortvuju rybu bačyli ŭ roznych miescach: i ŭ centry horada, i ŭ rajonie ratavalnaj stancyi «Łasosna» (plaž kala BCHMD), i vyšej płaciny HES.
Niekatoryja rybaki ličać, što mor ryby źviazany z pačatkam siezonnaj apracoŭki paloŭ. Nibyta, chimikaty paśla daždžoŭ patrapili ŭ Nioman.