Usieahulnaja Alimpijada
Skančajucca centralizavanyja testy dla vypusknikoŭ škołaŭ. 29 červienia test pa chimii, 1 lipienia – zaklučny, pa hieahrafii. U cełym vučni i nastaŭniki zvyklisia z bolš abjektyŭnaj formaj pravierki viedaŭ, ale zastajucca narakańni na biazładnaść testavych prahramaŭ.
Skančajucca centralizavanyja testy dla vypusknikoŭ škołaŭ. 29 červienia test pa chimii, 1 lipienia – zaklučny, pa hieahrafii. U cełym vučni i nastaŭniki zvyklisia z bolš abjektyŭnaj formaj pravierki viedaŭ, ale zastajucca narakańni na biazładnaść testavych prahramaŭ.
Vypusknik Uładź (maje siaredni bał 8,6) zdavaŭ testy na matematyku j fizyku. Dla jaho zadańni na abodvuch testach byli zaciažkija: «Praz paŭhadziny paśla pačatku testaŭ syšło ŭžo kala traciny ŭdzielnikaŭ. Zadańni byli pa ŭzroŭni nia školnaha kursu, a jak dla alimpijady». Školnaja nastaŭnica matematyki Halina, rašajučy z unukam zadačy testu, adužała tolki pa 5 zadańniaŭ z kožnaha varyjantu.
Natalla, jakaja zdavała historyju, kaža, što da kanca času, adviedzienaha na test, dasiedzieła tolki čverć prysutnych. Traplalisia zadańni prosta prymityŭnyja – «Nazavicie hałoŭny horad kryvičoŭ». Dać adkazy na inšyja pytańni, viedajučy tolki školny kurs, było niemahčyma: «Išoŭ uryvak ź letapisu, dzie apisvałasia, jak maskali pabili litoŭcaŭ. Treba było adkazać, u jakim hodzie heta adbyłosia i ŭ jakim miescy». Viaršyniaj histaryčnaha testu było zadańnie ź pieralikam dziasiatka zavodaŭ, pabudavanych u 50–80-ja hady XX st., jakija treba było pieraličyć u paradku ich uźniknieńnia.
Tolki ŭchvalnyja vodhuki ja pačuŭ pra zadańni pa movach – biełaruskaj i rasiejskaj. Chacia i tut byli svaje zakavyki. Tak, u teście pa rasiejskaj movie z 13 składanazaležnych skazaŭ tre było vybrać taki, kab u pieršaj častcy było dapaŭnieńnie miesca, a ŭ druhoj – słova, utvoranaje prystavačna-sufiksalnym sposabam.
Repetytar pa chimii Aleś kaža : «Moj pradmiet navučency jašče nie zdavali. Adnak što dla biassprečna – jano dazvalaje bolš abjektyŭna acanić viedy vučnia i źmienšyć karumpavanaść».